“Җыр-биюләребез, телләребез киемнәребез төрле булса да, без бергә һәм бердәм!”. Ульяновск өлкәсендә Идел буе халыклары фестивале быел әнә шундый шигарь астында узды. Өлкәнең авыл, районнарыннан килгән төрле милләт балалары бер атна дәвамында Идел буенда яшәүче халыкларның мәдәниятен, тарихын, гореф-гадәтләрен өйрәнделәр һәм һәртөрле милләтара чараларда катнаштылар. Димитровград шәһәреннән хәбәрчебез Рамис Сафин репортажы.