Беренче карашка бу авыл якын-тирәдәгеләреннән әлләни аерылып та тормый кебек-шундый ук озын урамнар, агач йортлар, шундый ук мәчетләр, ташландык фермалар, мәдәният йорты… Ләкин монда яшәүче кешеләр башка төрле икән- алар соңгы елларда мөселманнарга хас булмаган начар гадәтләрдән арыну буенча көрәш ачканнар, авыл урамнарына эчкечеллеккә каршы элмә такталар куйганнар, иске чишмәләрне төзекләндерү эшенә керешкәннәр… Сүзебез Ульяновск өлкәсендәге иң бай тарихлы татар авылларының берсе Иске Кызылсу турында бара. Яшәү рәвешен тамырдан үзгәртергә юл алган авылның бүгенге көне белән Рамис Сафин таныштырыр.