Берәүләр токмач кисә, икенчеләре чәкчәк ясый, кемдер бавырсак пешерә, пешкән итне банкаларга тутыра… Һәм шулай атна саен диярлек. Моны кемдер ниндидер остаханә дәресләре, яисә җәмәгать туклану урыны дип уйлар.

Ләкин бу очракта алай түгел, моны Ульяновск өлкәсенең “Ак калфак” оешмасы кызлары Украинада махсус хәрби операциядәге якташлары өчен әзерли. Ике ел элек алар иганәчеләр ярдәмендә җирле татар автономиясе инициативасы белән “Барысы да җиңү өчен!” дип аталган хәйрия акциясе башлап җибәрделәр. Әлеге күпкырлы изге эшчәнлекнең барышы, анда катнашучылар хакында Рамис Сафин бәян итә.