Ульяновск шәһәрендәге егерменче яңа мәчет дин-кардәшләребезгә үз ишекләрен ачты. Шәһәрнең татарлар күпләп яши торган Зөя арты районындагы әлеге гыбадәтханәне ачу тантанасында Татарстан рәисе Рөстәм Миннеханов белән төбәк губернаторы Алексей Русских һәм тирә-күрше төбәкләрдән бик күп кунаклар катнашты. Өлкә мөфтиятендә әйтүләренә караганда әлеге мәчетне төзүгә шәһәрдә яшәүче 21 милләт вәкиле ярдәм иткән, араларында православие динендәгеләр дә бар. Чын дуслыкны һәм бердәмлекне чагылдырган мәчет тарихы һәм ачылыш тантанасы хакында Рамис Сафин бәян итә.