Бу кызлар турында туган авылларында «Алар бу якты дөньяга килгәндә елап түгел, ә җырлап туганнар” дип сөйлиләр. Чыннан да, Чүпрәле районы Шланга авылында Хәтифә апа һәм Ярулла ага гаиләсендәге биш бертуган кызның барысы да җырлый. Бүген аларның өчесе – Рәйнә, Алсу һәм Гүзәлия Ульяновск шәһәре татар мәдәният Үзәгендә эшләүче “Урама” эстрада-фольклор халык ансамбленең әйдәп баручы җырчылары.

Безнең бу төбәктәге хәбәрчебез Рамис Сафин кече яшьтән үк сәхнәдән төшмәгән үзешчән сәнгать осталары белән очрашып аларның иҗат юлы белән танышып кайтты.