5-6 июль көннәрендә Йошкар-Олада 2024 елгы Федераль Сабантуйны билгеләп үтәләр. Бүген биредә ат спорты ярышлары үткәреләчәк, анда Идел буеның берничә төбәгеннән спортчылар катнашыр дип көтелә. Шул ук вакытта халык сәнгать эшләнмәләре күргәзмә-ярминкәсе узачак. Марий Эл Республикасы һәм Татарстан Республикасы сәнгать осталары концерты булачак. Кич белән бәйрәм кунаклары өчен «Түгәрәк уен» интерактивы үткәреләчәк.