Бүген, 13 сентябрь, Самара өлкәсе губернаторы Вячеслав Федорищевның инаугурация тантанасы булды. Чарада Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев катнашты.
Өч көнлек тавыш бирү нәтиҗәләре буенча “Бердәм Россия” партиясе тарафыннан тәкъдим ителгән Вячеслав Федорищев сайлаучыларның 1 045 504 тавышын алды, бу 79,56% тәшкил итә. Бүген ул халыкка, РФ Конституциясенә, Самара өлкәсе уставына һәм законнарына тугрылыклы булырга ант итте, шулай ук сайлауларга килгән сайлаучыларга рәхмәт белдерде.
