Бүген, 15 июньдә, Пермь краеның Барда авылында XIV Бөтенроссия авыл Сабан туе уза.
Майданда төп герой исеме өчен милли көрәш узды. Ярышларда илнең төрле төбәкләреннән спортчылар катнашты. Кызу көрәштән соң абсолют батыр исеме билгеле булды.
XIV Бөтенроссия авыл Сабан туе баш батыр исемен Зәй көрәшчесе Радик Сәлахов алды. Җиңүчегә төп бүләк – машинаны Татарстан Республикасы Рәисе Рөстәм Миңнеханов тапшырды.