Бүген Саха (Якутия) Республикасында узып баручы XXV Федераль Сабан туеның байрагын тантаналы рәвештә бәйрәмнең төп сәхнәсендә күтәрделәр.
Әлеге хокукка Россия агросәнәгать комплексының атказанган хезмәткәре, Саха (Якутия) Республикасының авыл хуҗалыгы алдынгысы, Батагай наслеги һәм Усть-Алдан улусының мактаулы гражданины Прокопий Белолюбский һәм Саха (Якутия) Республикасының Мирный районының «Туган Тел» татар-башкорт җәмгыяте рәисе урынбасары, СССРның классик көрәш буенча спорт мастеры, СССРның самбо көрәше буенча спорт мастеры Равил Закиев лаек булды.
