“Россия мәдәнияте” программасы буенча балаларга белем бирүче Төмән шәһәренең “Этнос” үзәгендә Мөнирә һәм Реваль Хөснетдиновларның матди ярдәмнәре белән балалар өчен Корбан бәйрәме оештырылды.
Чараның максаты – төрле милләт балаларын Ислам дине, Корбан бәйрәме белән таныштыру, үзара хөрмәтләшеп, дус-тату яшәргә өндәү иде. Чара барышында укучыларга һәм аларның ата-аналарына Ислам дине тарихын, Корбан бәйрәменең килеп чыгышын сөйләп, төрле уеннар, бәйгеләр үткәрделәр. Аннары үзәк хезмәткәрләре кунакларны корбан ашы – токмачлы шулпа белән сыйладылар.
