Ак калфак” татар хатын–кызлары   иҗтимагый  оешмасының   Актаныш район бүлекчәсе,  район хастаханәсе,  мәгариф,   мәдәният  һәм  дин  оешмалары белән  берлектә,  татар  халкының  милли  –  мәдәни  мирасын  саклау  һәм  баету, борынгылардан килгән гөреф  –  гадәтләрне  киңрәк өйрәнү,  аларны  яшь  буынга тапшыру  максатыннан  “Яшь  әниләр” мәктәбе  ачып  җибәрде.

“…Дөньяга  бала  туа … . Сабый дөньяга  аваз  салу  белән  әллә  никадәр  сораулар,  яңа  борчу  –  мәшәкатьләр  алга  килеп баса… .”

“Яшь  әниләр” мәктәбендә  халкыбызның  гореф – гадәтләрен,  йолаларын өйрәнү, чын татар булган,  бәхетле буын тәрбияләү  –  төп  максатыбыз  булып  тора.

Дәресләрне  районыбыз  үзәк   хастаханәсеннән аккушер  –  гинеколог Галимова  Ляйсан  Әхтәмовна,  40 ел аккушер булып эшләгән  Макарова Любовь  Рабаевна, мөслимәләр  берлегеннән  Закирова Зөһрә  һәм  Заманова Рәмилә,  психологлар  бергәләп  үткәрәбез, дип яза Актаныштан Айгөл Галимянова.