Татарстанда беренче мәртәбә яшүсмерләр арасында көрәш беренчелеге 30 гыйнварда Базарлы Матак авылының (Татарстанның Әлки районы үзәге) “Алинә” спорткомплексында үтәчәк.
Татарстанның билбаулы көрәш федерациясе 2002-2004 елгы яшүсмерләр арасында мондый төр ярышларны беренче мәртәбә оештыра. Катнашырга теләк белдерүчеләр саны 200 гә якын диләр оештыручылар. Татарстанның барлык муниципаль берәмлекләре дә үз спортчыларын җибзрергә ниятләп торалар.
Ярышлар ирекле һәм классик стильдә барачак.
