14 сентябрьдә Дүртөйле, Тәтешле, Балтач районнарында халкыбызның кабатланмас тавышлы җырчысы Хәния Фәрхигә багышланган әдәби-музыкаль чаралар узды.
Анда Татарстан кунагы, яңарак кына табадан төшкән “Хәния” китабы авторы, Яр Чаллы шәһәрендә яшәп иҗат итүче язучы Айгөл Әхмәтгалиева да катнашты.Тәтешле китапханәсендә узган чарага Хәния Фәрхинең әнисе Фәния апа да килде.Өч райондагы очрашулар да бик яхшы оештырылган иде. Аларның һәммәсе Хәния Фәрхигә дога булып ирешсә иде.
Фото: Вконтакте челтәреннән.
