Югары Субаш авыл җирлеге «Шушма моңнары» фестивале кысаларында райондашларыбызга онытылмаслык бәйрәм мизгелләре бүләк итте.

Авыл тарихын сәхнәләштерүдән башланып киткән әлеге программа гармун, тальян моңына, матур җырларга һәм дәртле биюләргә үрелеп барды. Гармун уйнап, тамашачыны да җырлаттылар.

Бик матур күргәзмә һәм мастер-класслар да әзерләгәннәр иде. Миллек, чиккән тукымалар, агач эшләнмәләре, үзләре ясаган техника… ниләр генә юк иде биредә.

Чыганак: baltaci.ru