Казанда VIII Бөтенроссия татар журналистлары форумы уза. Бүген делегатлар Арча районына юл тоттылар. Гөберчәк авылында урнашкан Мөхәммәт Мәһдиев музее экскурсиянең әһәмиятле объектларының берсе булды. Мөхәммәт Мәһдиев-Татарстанның мәдәни һәм әдәби тормышында якты эз калдырган татар язучысы. Музей аның иҗади мирасына, иҗтимагый эшчәнлегенә, татар әдәбияты үсешенә керткән өлешенә багышланган. Музей экспозицияләренә язучының шәхси әйберләре, китаплары, хатлары куелган, шулай ук Мәһдиевнең күпкырлы эшчәнлеген чагылдырган фотосурәтләре дә шактый күп.
