Татарстан Республикасының Апас районына сәфәр кысаларында Бөтенроссия татар авыллары эшмәкәрләре җыены делегатлары И.К. Ибраһимовның терлекчелек фермасында булдылар.
Делегатлар, терлекчелек фермасының эшчәнлеге белән танышып, яңа технологияләр һәм методикалар белән кызыксындылар. Алар шулай ук ферманың уңышлары һәм эшчәнлектәге авырлыклар турында фикер алыштылар.
Фермада 800 дән артык сыер асрыйлар, аларның һәркайсы югары сыйфатлы сөт җитештерә. Бер савымда 40 сыер савыла, бу исә фермада эффективлыкны арттыра. Биредә барысы 14 кеше хезмәт куя. Сөтнең бер литрының бәясе 48 сум тәшкил итә.
Ферма хуҗалары делегатларга үзләренең уңышлары һәм планнары турында сөйләп, авыл хуҗалыгын үстерүдә бергәләп эшләүнең мөһимлеген ассызыклады. Алар, терлекчелекнең киләчәктә дә үсеш алуы өчен башка фермерлар белән хезмәттәшлек итәргә әзер булуын белдерде.
