Татарстанның Актаныш районында авыл җирлекләре арасында җигелгән өч ат бәйгесе уздырганнар.

Бизәлгән җигүле атлар Актанышның Ленин паркы тирәли әйләнеп, үзәк чыршы янына тукталган. Теләге булганнарга атларга утырып йөрү мөмкинлеге дә тудырылган. Җигүле өч атларның бизәлешенә, утырып йөрү җайланмасының уңайлылыгына карап урыннар һәм бүләкләр бирелгән.  Беренче урынга –  ”Ташкын” оешмасы атлары лаек булган. Икенчедә – ”Таң”; өченче урында – ”Чишмә” атлары. Урамда салкын булуына карамастан, тамаша шактый халыкны үзенә җыя алган.