25 ноябрь көнне Татарстан Республикасының Башкортстандагы даими вәкиллегендә Башкортстан республикасында эшләп килгән татар иҗтимагый оешмаларының Координацион советы утырышы узды.
⠀
Утырыш барышында 2021 елга чаралар планын төзү, шулай ук Башкортстан Республикасында татар иҗтимагый оешмаларының дәүләт хакимияте органнары һәм җәмәгатьчелек белән үзара хезмәттәшлеге хакында сөйләшенелде.
Әлеге утырышта Бөтендөнья татар конгрессының Башкортстандагы вәкиллеге җитәкчесе Альфред Дәүләтшин дә катнашты. Ул 2020 елда үткәрелгән чаралардан тыш, 2021 елга Башкортстандагы татар оешмаларының эш планы белән бүлеште һәм агымдагы елның декабрь аенда узасы чараларда оешма җитәкчеләрен актив катнашырга чакырды.