Халык исәбен алу кысаларында гражданнарга 30 сорауга җавап бирергә туры киләчәк.
Россия Хөкүмәте 2020 елда үтәчәк халык исәбен алу буенча бланкларны раслады. Илдә даими яшәүчеләр 30 сорауга җавап бирәчәк, ә выкытлыча яшәүче чит ил гражданнары өчен 7 сорау әзерләнгән.
Бу сорауларның кайберләре 2010 елда халык исәбен алу чарасындагы сораулардан аермалы булачак.
Россиядә яшәүчеләр өчен әзерләнгән сорауларның 23е – гражданның яше, туган урыны, милләте һәм башка үзенчәлекләрне үз эченә ала. Ә калган җидесе – аның яшәгән урыны, торакның кайчан төзелгәне һәм мәйданы турындагы мәглүматларга бәйле.
Ә чит ил гражданнары өчен сораулар аларның Россиягә ни сәбәпле килүе, кайчанга кадәр биредә яшәячәге кебек сорауларны берләштерә.
