enrutat
Баш бит / Казанда Шиһабетдин Мәрҗани йортын реставрациялиләр
Казанда Шиһабетдин Мәрҗани йортын реставрациялиләр

Казанда Шиһабетдин Мәрҗани йортын реставрациялиләр

Казанда Шиһабетдин Мәрҗани йортында (Каюм Насыйри ур., 10) реставрация эшләре башланды. 1858 елда төзелгән бина мәдәни мирас объекты булып тора. Реставрация тәмамланганнан соң бинада күренекле татар эшлеклесенә багышланган музей барлыкка киләчәк.

Эшләр башланыр алдыннан белгечләр югалган элементларны максималь төгәллек белән торгызу өчен тарихи-архив тикшеренүләрен уздырдылар. Шулай итеп, йортның кирпеч коймасы һәм ишек өстендәге япмалары яңадан торгызылачак.

Проект зур күләмле ремонт-реставрация эшләре алып баруны күздә тота, алар тәмамлангач, авария хәлендәге бина норматив халәткә китереләчәк, дип планлаштырыла. Беренче этапта белгечләр черегән агач идәннәрне сүтүгә кереште.

Искәртеп узабыз, 1858 елда йорт күренекле галим, дин әһеле һәм җәмәгать эшлеклесе Шиһабетдин Мәрҗани тарафыннан төзелгән. Татар руханилары һәм сәүдәгәрләре, шәкертләр, фән һәм мәдәният эшлеклеләре аның еш кунаклары булган. Бу йортта Шиһабетдин Мәрҗани соңгы көннәрен үткәргән.

2002 елда бина тарих һәм архитектура һәйкәле буларак дәүләт саклавына куела.

Реставрация инициаторлары булып «Иске шәһәр» префектурасы һәм «Тарихи мохит» муниципаль бюджет учреждениесе чыгыш ясады.

kzn.ru

Фикер калдырырга

Обязательные поля отмечены *

*