Бүген, 31 август көнне ТР Премьер министры урынбасары, Бөтендөнья татар конгрессының Милли шура рәисе Васил Шәйхразиев  Чуашия татарлары милли-мәдәни автономиясе рәисе Фәрит Гыйбатдинов, Әзербәйҗан татарлары оешмасы рәисе урынбасары Әмин Рамазанов, “Анталья татарлары” оешмасы вәкилләре Оксана Назарова, Рамил Хәбибуллин  белән очрашты. Очрашуда сүз башкарылган эшләр,киләчәккә планнар турында барды. Кунаклар конгрессның телестудиясендә булып, әңгәмә дә кордылар.