Саныбыз арта, Аллаһка шөкер. Шушы көннәрдә генә хезмәттәшебез, Бөтендөнья татар конгрессы Башкарма комитеты рәисенең Беренче урынбасары Данис Фәнис улы Шакировның улы туды. Баланың авырлыгы 3кг. 660 гр. буе 54 см. Данис Фәнис улы беренче тапкыр әти булды. Балага Әмир дип исем куштылар.

Без Данис Фәнис улын, хәләл җефете Гөлнара ханымны бәйрәмнәре белән котлыйбыз. Исән-сау булып, улларын  тигезлектә, мәхәббәттә тәрбияләсеннәр. Милли рухлы, шәфкатьле, иманлы бала булып үссен Әмир.

Бөтендөнья татар конгрессы

Башкарма комитеты хезмәткәрләре