enrutat
Баш бит / «ТАССРга 100ел уңаеннан “Татмедиа” галереясендә совет Татариясе журналистлары турында фотокүргәзмә ачылды
«ТАССРга 100ел уңаеннан “Татмедиа” галереясендә совет Татариясе журналистлары турында фотокүргәзмә ачылды

«ТАССРга 100ел уңаеннан “Татмедиа” галереясендә совет Татариясе журналистлары турында фотокүргәзмә ачылды

Галерея беренче тапкыр фотопроект тәкъдим итә, аның асылы шактый гади һәм шул ук вакытта үзенчәлекле дә: журналистлар үзләренең каләмдәшләре турында ачыктан-ачык һәм гадел итеп сөйли.

Әлеге күргәзмәдә өч үзенчәлекле фоторепортер — Фәрит Губаев, Эдвард Хәкимов һәм Рамил Гали эшләре куелган. Биредә аларның совет Татариясе журналистлары турындагы картинаны «үсеш алган социализм» чорыннан алып үзгәртеп коруга кадәр чагылдырган фотосурәтләре урын алган.

«Бу күргәзмәне без махсус сайладык. Биредә өч фотографның эшләре тәкъдим ителгән. Бу күргәзмә безнең турыда: бина тарихы, типография һәм редакцияләр турында», — диде «Татмедиа» АҖ генераль директоры Шамил Садыйков.

Сугыштан соңгы чорда ТАССРның социалистик төзелешләре, партия җыелышлары, хезмәт кешеләренең казанышлары һәм авыл хуҗалыгы хезмәткәрләренең уңышлары республика матбугатының төп темалары булган. Талантлы фотографлар хезмәттәшләренең эшен һәм көндәлек тормышын сурәтләп алганнар. Шуның аркасында дистә еллар узгач, хәзерге буын журналистлары күренекле осталарның эшен күрә ала.

shahrikazan.ru

Фикер калдырырга

Обязательные поля отмечены *

*