Югары дәрәҗә .tatar доменында 101 исем теркәлде дип хәбәр итте Татарстан Республикасының элемтә министрлыгы матбугат үзәге. Бу 101 адрес 2014 елның 29 августыннан башлап 21 декабренә кадәр үткән приоритетлы теркәү вакытында бирелде.

Шушы арада  amazon.tatar, facebook.tatar, google.tatar, microsoft.tatar, youtube.tatar, innopolis.tatar, kazan.tatar, tatneft.tatar, akbars.tatar һәм башка исемнәр теркәлеп өлгерде. Теркәлгән адресларның күпчелеге (82%) Татарстанда урнашкан оешмаларга карый.

Бар теләгән кеше өчен теркәлү 2015 елның 23 мартыннан башланачак.