Бүген Татарстан Язучылар берлеге «Яшел камин янында. Шәхесләребез» дип аталган видеопроект яза башлый. Проект Татарстан Мәдәният министрлыгы белән берлектә тормышка ашырыла һәм язмалар телевидение, мәгълүмат агентлыклары, Берлекнең социаль челтәрләрдәге битләре аша таралачак.
Беренче тапшыру күренекле язучы, галим, сәясәтче, дин әһеле Ризаитдин Фәхретдингә багышлана.
Проекның кураторы һәм алып баручысы – шагыйрь, Татарстан Язучылар берлегенең татар әдәбияты буенча киңәшчесе Марат Закир.
