Төркиядә илдә иң зур Коръән Кәрим белән кызыксыну көннән-көн арта. Истанбулның “Бююк Чамлыдж” мәчете ишегалдында 70 килограмм авырлыктагы Коръән Кәрим куелган.
Изге китап ике ел дәвамында эшләнгән. Аның озынлыгы 98 сантиметр, киңлеге 71 сантиметр тәшкил итә. Гадәти булмаган Коръән Кәримне күрергә теләүчеләр мәчеткә дөньяның төрле почмакларыннан киләләр, дип хәбәр итә islam.ru сайты.
