31 март көнне Түбән Камада Кырымның «Алтын бишек» театры артистлары тамаша күрсәтәчәк.
“Бер спектакльдә гаҗәеп рәвештә Вильям Шекспир һәм Проспер Мериме, Жорж Бизе һәм Леонард Бернстайн геройлары тәкъдим ителәчәк”, – дип хәбәр итә оештыручылар.
Шулай ук тамашада заманча техник чаралар, мультимедиа экраны кулланылуы да мәгълүм.
Сәхнәдә Нью-Йорк, Мәскәү, Вашингтон, Рим, Эдинбург, Истанбул, Киев, Ташкент, Казан, Брест, Бохара, Гданьск, Астана, Бакуда һәм башка шәһәрләрдә чыгыш ясаган Кырым татар артистлары чыгыш ясаячак.
