29 майда Висагинас (Литва) мәдәният үзәгенең “Банга” залында Татар мәдәнияте көне үтәчәк.
Чарада Татарстаннан килгән артистлар катнашачак: җырчы Рөстәм Асаев, “Сәйдәш” бию театры.
Казан кунаклары белән бергә җирле үзешчәннәр дә үз иҗат җимешләрен күрсәтәчәк. Висагинас мәдәният үзәге каршында эшләүче “Мирас” татар фольклор ансамбле (җитзкчесе Клара Дурсиханова), “Туган мәктәп” түгәрәгенә (җитәкчесе Зилә Кәримова) йөрүчеләр бәйрәмгә чыгышларын әзерләделәр.
