Белемле, укымышлы яшь милләттәшләребез дөньяның алга киткән илләрендә абруйлы эшләр сайлыйлар һәм шунда урнашып калалар, диде татар конгрессы рәисе.

"Татарлар язмышы - безнең кулда. Телебезне, мәдәниятне һәм гореф-гадәтләрне саклау һәм үстерү, халкыбызның  киләчәктәге урыны бары тик бездән тора."

Президент делегатларны һәм кунакларны сәламләде, татар дөньясына күзәтү ясады. 

Россия Федерациясе Президенты Владимир Путин, Бөтендөнья татар конгрессының VI корылтае уздырылу сәбәпле, Татарстан Республикасы Президенты Рөстәм Миңнеханов, делегатлар һәм форум кунаклары исеменә сәламләү телеграммасы юллады.

Россия тышкы эшләр министрлыгының чит илләрдәге ватандашлар белән эшләү департаменты директоры Олег Сергеевич Мальгинов чыгыш ясады.

Утырышта Татарстан Республикасы Дәүләт Советы рәисе Фәрит Мөхәммәтшин рәислек итә.

Төштән соң съездның төп документлары, карарлары кабул ителәчәк дип көтелә.

Иртәгә делегатлар һәм кунаклар Муса Җәлил исемендәге Татар дәүләт опера һәм балет театрына җыелачаклар.

Төшке аштан соң съезд чаралары башланып китте.

Мәктәптә элек-электән татар теле укытучысына мөнәсәбәт түбән. М.Акмулла исемендәге Башкорт дәүләт педагогика университетының татар филологиясе кафедрасы мөдире, филология фәннәре докторы, профессор Илшат Нәсипов, Бөтендөнья татар конгрессының VI съезды кысаларында, "Татар халкының телен, рухи мирасын саклау һәм үстерү платформасы” секция утырышында шулай дип белдерде.