Танылган опера йолдызыбыз Альбина Шаһиморатова Лос-Анджелесның “LA Opera” театрында Доницеттиның “Лючия ди Ламермур”  операсында төп рольне башкарачак. 15 марттан башлап 6 спектакль күрсәтеләчәк.  Әлеге вакытта репетицияләр бара. Аларның берсендә театрның сәнгать җитәкчесе Пласидо Доминго да булган. Ул Альбина башкаруын бик ошаткан. Казан тамашачысы Альбина Шаһиморатованы 29 апрельдә Муса Җәлил исемендәге театр сәхнәсендә шулай ук “Лючия ди Ламермур” спектаклендә күрә һәм тыңлый алачак. Фоторәсемнәр “LA Opera” сайтыннан алынды.

Танылган автор-башкаручы Флора Вафина Халыкара хатын-кызлар конгрессында чыгыш ясарга чакырылган. Әлеге чара бүген Мәскәүдә журналистларның үзәк йортында узачак. Флора үзе язган "Россия хатын-кызлары" җырын башкарачак

Ульяновск өлкәсе губернаторы Сергей Морозов “Чишмә” җирле телетапшыру коллективына “Татар рухы һәм каләм” бәйгесендә җиңүләре белән котлап, тәбрикләү телеграммасы юллаган. “Үзегезнең көндәлек хезмәтегез белән сез татар халкының үзаңын үстерәсез, татар мәдәниятен саклау һәм баетуга зур көч куясыз, иҗади уңышлар, илһам телим. Туган ягыбыз турында кызыклы сюжетларыгызна көтеп калабыз”, – диелә телеграммада.

Җиңүчеләр Казанда үзләренең осталыкларын күрсәтәчәкләр.

Оренбурглылар Самарада моннан биш ел элек булганнар

Минскиның Якуб Колас исемендәге үзәк фәнни китапханәсендә "Беларусь татарларының мәдәни мирасын өйрәнү" темасына халыкара семинар үтте. Аның кысаларында төрле илләрдән килгән галимнәр танылган тарихчы Ибраһим Канапацкийны искә алу чарасында катнаштылар.

Казанда тугызынчы тапкыр “Дулкыннар” республика конкурсы үтте. Үткән елларда бәйге Габдулла Тукай, Муса Җәлил, Гөлшат Зәйнашева, Фәнис Яруллин, Салих Сәйдәшев, Нәҗип Җиһанов, Мансур Мозаффаров кебек татарның мәшһүр шәхесләренә багышланып, аларның түгәрәк даталарына туры китереп үткәрелде. Узган ел конкурс тарих елына багышланган иде. Быел исә, татар композиторы Фәрит Яруллинның тууына 100 ел тулу уңаеннан уздырылган. Бәйгедә катнашу өчен Марий Эл Республикасыннан, ...

16 мартта Истанбулда Али Әмире әфәнде мәдәният үзәгендә “Татар кызы 2014” бәйгесе үтәчәк. Мондый төр чара биредә беренче мәртәбә узачак. Оештыручылар фикеренчә, бу бәйге татар кызларының гүзәллек, нәфислеген күрсәтү белән бергә аларның уңганлыгын-булганлыгын һәм башка асыл сыйфатларын таныту өчен үткәрелә. Оештыручылар дигәннән, алар арасында Татарстаннын Төркиядәге вәкиллеге, “Татарстан” сәүдә йорты, IBB мәдәният ширкәте, Идел-Урал төркләренең мәдәният һәм ярдәмләшү ассоциациясе, “Фидан” балалар музыка тәрбияләү ...

Колумб Американы ачкан кебек Гарун Тазиев французча сөйләшүче киң халыклар даирәсенә вулканнарның табигатен ачкан. Гарун Тазиев (1914-1998 еллар) – үз эзләнүләрен даһи танытучы зур галим. Аның җитәкчелегендә һәм катнашуында 1940 еллар ахырыннан 1992 елларга кадәр Франция телевидениесендә һәрдаим тапшырылган фәнни танылган фильмнарның зур циклы булдырылган. Әлеге фильмнар шулхәтле кызыклы, таныткыч булганлыктан берничә дистә еллар дәвамында җир турындагы фән (геология, вулканология ...

Сайлап алу турлары Чиләбе, Магнитогорск, Златоуст, Троицк шәһәрләрендә, Кунашак һәм Варна авылларында март-апрель айларында узачак.