2021 ел Татарстанда Туган телләр һәм халыклар бердәмлеге елы итеп игълан ителде. Бу хакта Президент Рөстәм Миңнеханов республика Дәүләт Советына еллык юлламасы вакытында белдерде.

Казан шәһәре идарәсе һәм думасы әлеге форсаттан башкалабызда яшәүче төрле милләт вәкилләре белән очрашулар алып бара, татар теле активистлары белән дә беренче чиратта түгәрәк өстәл җыелды. Әлеге түгәрәк өстәлдә Бөтендөнья татар яшьләре форумы рәисе Ленария Мөслимова да катнашты.

2021 елда нинди эшләр башкарылырга тиеш? Нәрсәләргә беренче чиратта игътибар итәргә? Сорауларына татар теле активистлары үз идеяләрен, теләкләрен җиткерделәр.