Наҗия Газетдин кызы Газетдинова 12 июльнең 1932 елында туган. Исәнсефнең 7 сыйныфын тәмамлап, дуңгыз фермасына эшкэ кергән, сыерлар, атлар караган. Тормыш иптәше Хәниф абый Сабиров белән 56 ел гомер итеп 3 бала үстергәннәр. Әлеге вакытта 8 оныгы һәм 8 оныкчыгы бар. Бүген җирлекнең мөхтәрәм ак әбие, хезмәт ветераны Наҗия апа улы Анил һәм дә килене Гөлнар белән яши, аларга һәрчак үзенең матур һәм төпле киңәшләре белән ярдәм итә, терәк булып тора.

Наҗия апаны истәлекле дата белән район Башкарма комитетының икътисад буенча урынбасары Лиана Сираева тәбрикләде. Ул үз чиратында Хөкүмәтебез, Республикабыз Президенты Рөстәм Нургали улының һәм район хакимиятенең котлауларын һәм дә бүләкләрен җиткерде.