Актанышта 10 мартта Татарстан Республикасы балалар һәм яшүсмерләр театр һәм курчак коллективлары «Иделкәем» республика конкурсының зона этабы төгәлләнде. Анда Актаныш районы Яңа Әлем, Киров, Пучы авыл җирлекләре, кадет интернат мәктәбе, Сарман районы, Башкортстаннан Дүртөйле районы һәм Уфа шәһәренең 84 санлы гимназия коллективлары катнашты. Актаныш районы Яңа Әлем авылы мәдәният йорты һәм Уфа шәһәренең 84 санлы татар гимназиясе коллективларының чыгышлары иң яхшылардан дип табылды, алар Казанда үзләренең осталыкларын күрсәтәчәкләр.