Арча районында язучылар Гариф Ахунов, Шәһидә Ахунова, Рәшит Ахуновлар истәлегенә, Наилә Ахунованың юбилеена багышланган «Ахуновлар» әдәби экскурсиясе булды. Экскурсиядә катнашучылар иң әүвәле Арча мөселман зиратында булып, Ахуновлар нәселе вәкилләре каберләрен зиярәт кылды. Аннан соң «Казан арты» тарих-этнография музее, Арча үзәк китапханәсе, Казанбаш мәктәбе, юкка чыккан Кечкенә Өчиле авылында һәм Арчадагы музейның әдәбият-сәнгать бүлеге белән таныштылар.
