2020 елның декабрь аенда Ауропа Берлеге илләрендәге татарларның «Ауропа татарлары Альянсы» халыкара ассоциациясе Ауропа Берлегенең хөкүмәтнеке булмаган оешмалары конференциясе (Конференция неправительственных организаций Совета Европы) составына керү өчен документларын тапшырды. Бу хакта бүген «Ауропа татарлары Альянсы» халыкара ассоциациясе рәисе Флүр Шәрипов әйтте.
“Әлеге оешмада бүгенге көндә 400 җәмгыять теркәлгән. Ауропа татарлары Альянсы исә 15 илдән 31 оешманы берләштерә. Комитет тарафыннан карар агымдагы елның март аенда кабул ителәчәк”, – диде АТА рәисе.
