Сабантуй якынлашкан көннәрдә йорттан-йортка кереп, бүләк җыелу матур йолаларның берсе. Сабантуйга яулык җыю күренеше Олы Болгаер җирлегендә дә узды. Олы Болгаер авылында бизәлгән атлар урам әйләнде, гармун моңнары таралды. Бүләк бирүчеләр изге теләкләрен юллады, кушылып биючеләр дә булды.
“Шулай күңелле һәм бердәм яшибез. Милли йолаларны сакларга тырышабыз”,- ди Олы Болгаер клубы мөдире Рания Вәлиева.
