Бүләк авылы сайлау участогы иртәдән үк бәйрәм төсен алды. Үз тавышларын бирергә яңа гына өйләнешкән Илүзә белән Ленар Габделхаковларның килеп керүе ямь өстенә ямь булды.

—     Без бүген бик мөһим адым ясыйбыз — Россия Федерациясе Президентын сайлыйбыз. Киләчәгебез матур, бәрәкәтле булсын өчен дөрес тавыш бирдек дип уйлыйм, — ди Ленар.  Алар бүгенге әһәмиятле чарага зур гаиләләре белән бергә килгәннәр.

—    Менә шулай бергә-бергә җыелып, эшен дә бергәләп эшлибез, ялларын да күңелле итеп уздырабыз, — ди киленнең әнисе Фәйрүзә ханым. — Бүген дә үз гаиләсе белән олы улым Раил; кечесе Ильяс, башка туганнарыбыз да бергә җыелдык. Алга таба да менә шулай куанып, бердәм, исән-сау булып яшәргә язсын, —дип шатлыклары белән уртаклашып алды ул.

Чыганак: aznakaevo-rt.ru