Башкортстанның Беренче Президенты Мортаза Рәхимов 88 яшендә вафат булган. Бу турыда башта «Комсомольская правда» газетасы хәбәр итте, аннары РИА Новостига төбәк башлыгының матбугат хезмәтендә раслаганнар.
«Мортаза Гобәйдуллович вафат. Без үзен тулысынча республикага һәм Россиягә хезмәт итүгә багышлаган башкорт халкының бөек улы алдында баш иябез», – дип язган Башкортстан Башлыгы Радий Хәбиров телеграм-каналында.
