Көннең салкынча булуы да куркытмады туташларны һәм ханымнарны. Алар бәйрәм үткән мәйданда оештырылган күргәзмәгә үз шәхси архивларында сакланган кадерле ядкәрләрне алып чыктылар. XIX гасырда тегелгән күлмәк, алтын чигешле калфак, борынгы яулык, ашъяулыклар, сөлгеләр татар хатын-кызларының заманча бизәнү әйберләре белән янәшә урын алды. Халкыбызның матди мәдәнияте үрнәкләре белән бәйрәм кунаклары кызыксынып таныштылар.

Фәридә Зыярова