Бишбүләк районы Дусән авылында күркәм чара оештырылды. “Ак калфак ” оешмасы хатын-кызлары, маскировка өчен челтәрләр үрүдән бушаган арада, “Казылык тутыру” өмәсендә (мастер- класста) булдылар.

Чарада кемдер телемләп яшь тай итен турады, кемдер тәмләткечләр әзерләде, кемдер сарымсак турады. Уен-көлке, халык җырлары яңгырады. Изге теләкләр тели-тели казылык тутырдылар.

Иң зур теләк – Рамадан ае мөбәрәк булсын, илебезгә тыныч тормыш әйләнеп кайтсын! Әзерләнгән ризыкларыбызны бергә-бергә ашарга язсын!