Бүген, 21нче гыйнвар көнне, Бөтендөнья татар конгрессы Башкарма комитеты җитәкчесе Данис Фәнис улы Шакиров ТНВ телеканалының “Адымнар” тапшыруы өчен интервью бирде. Сүз “Милләт җыены”нда кабул ителгән “Татарлар: гамәл стартегиясе” документы хакында барды.
Әңгәмәнең төп мәсьәләләре булып 19нчы гыйнвар көнне узган Милли Шура утырышы һәм 2021 елгы Бөтенроссия халык санын алу торды. Д.Ф. Шакиров Халык санын алу мәсьәләләре белән шөгыльләнәчәк 7 эшче төркем формалаштырылуы турында хәбәр итте.
Моннан тыш, ул Бөтендөнья татар конгрессының татар халкына булачак Бөтенроссия халык санын алу белән бәйле рәвештә мөрәҗәгате турында сөйләде.
Ләйсән Хаерова
