Бөтендөнья татар конгрессының Башкортстандагы вәкиллеге җитәкчесе Альфред Дәүләтшин Федоровка районына эшлекле сәфәр кысаларында Каралачык авылы мәтәбендә булды.
⠀
Альфред Әмир улы мәктәп директоры, татар теле һәм әдәбияты укытучысы Хайбуллина Сөмбел Раффак кызына БТК исеменнән авыл һәм мәктәп китапханәсе өчен татар телендә чыккан китаплар, уку әсбаплары, гәзит-журналлар тапшырды. Шулай ук Каралачык мәктәбендә укучы Хайбуллина Язгөлне татар теле һәм әдәбяты буенча олимпиадада җиңүе белән котлады һәм конгресс исеменнән затлы бүләк тапшырды.
