Чаллыда «Энергетик» мәдәният сарае сәхнәсендә «Сабантуй гүзәле» бәйгесенең финалы булды. Чарадан фото һәм видео шәһәр администрациясе Телеграм-каналында чыкты.
Финалга 16 яшьтән 25 яшькә кадәрге 11 кыз чыкты, алар татар телен яхшы белүче Гөлнур Акирова, Алия Сафеева, Аделина Салихова, Раилә Шәйхетдинова, Гөлинә Бакирова, Райна Сабирова, Айсылу Ишалина, Айгөл Габдрахманова, Лилия Гатина, Регина Дерябина, Лия Дәүләтшина иде.
Район башкарма комитеты җитәкчесе Фәрит Сәлахов бәйге җиңүчесе Гөлинә Бакированы котлады һәм бүләкләр тапшырды.
Искәртик, узган ел Чаллыда «Сабантуй гүзәле» конкурсында В.Д.Поташов исемендәге техник көллиятнең икенче курс студенты Эльвина Шәйхетдинова җиңгән иде.
Чыганак: tatar-inform.
