29 октябрьдә Чиләбе өлкәсендә татар гаиләләренең беренче өлкә “Татар гаиләсе” бәйгесенең финалы булды. Әлеге чара Бөтендөнья татар конгрессы каршында эшләп килүче Бөтенроссия “Татар гаиләсе” фонды белән берлектә уздырылды.
Барлык җанатарлар һәм татар мәдәниятен бәяләүчеләр 29 октябрьдә 17.00 сәгатьтә балалар филармониясенең уңайлы залына чакырылган иде.
Биредә татар эстрадасы йолдызлары, иҗат коллективлары чыгышы белән бай концерт программасы, бәйгенең җиңүчеләрен һәм призерларын бүләкләү тантанасы булды.Татар телен, татар гаиләсенең гореф-гадәтләрен, мөхитен саклап яшәүче 30 татар гаиләсе Рәхмәт хатлары һәм кыйммәтле буләкләр белән буләкләнделәр.
Билетлар сатудан җыелган барлык акчалар Чиләбе шәһәренең Җәмигъ мәчете төзелешенә җибәрелде.
