Чиләбе өлкәсе Коншак районы Коншак авылында 18-20 августта үтәчәк Милли спорт төрләре буенча I Спартакиада программасында 7 төрле юнәлештә ярышлар оештырылачак. Бу хакта Бөтендөнья татар конгрессында спорт өчен җаваплы Зөфәр Вәлиәхмәтов сөйләде.

18 август көнне 6 төбәктән җыелма командалар килүе көтелә һәм түгәрәк өстәл оештыралачак. Анда татар яшьләре татар спортына, татар теленә, мәгәриф, мәдәният, эшмәкәрлек юнәлешендә  аларны борчыган сораулар буенча фикер алышачак.

19 август көнне төп ярышлар узачак. Шулай ук тантаналы рәвештә Милли спорт төрләре буенча I Спартакиада ачылышы көтелә.

Милли спорт төрләре буенча I Спартакиада беренче тапкыр үткәрелә. Барлыгы 6 төбәктән 100 артык катнашучы татар яшьләре көтелә.