Бөтендөнья татар конгрессы Башкарма комитеты җитәкчесе Данис Фәнис улы Шакиров Казанда Россия көрәш федерациясе уздырган онлайн-конференциядә катнашты. Утырышта сүз билбау көрәшен үстерү юллары, алда торган чараларга әзерлек мәсьәләләре хакында бара.

Чарада Россия көрәш федерациясенең вице-президенты Равил Ногманов, БТКның Башкарма комитет җитәкчесе Данис Шакиров чыгыш ясады. “Россия көрәш федерациясе бүлекчәләрен төбәкләрдә җәелдерергә кирәк,” -дип үз тәкъдимен җиткерде Данис Шакиров. Бу очракта әлеге спорт төрен яшьләр арасында тагын да популярлаштыру мөмкинлеге барлыкка киләчәк.