Әфганстан татарлары мини-футбол буенча беренче ачык «Изге Рамазан Кубогы» турнирында катнашырга әзерләнәләр, аның финал этабы 28-30 апрельдә Мәскәүдә уза дип көтелә.
“Турнирга 14 уенчы һәм ике рәсми вәкил киләчәк. Безнең команда һәвәскәр. Балалар төрле авыллардан командага җыелдылар”,- дип сөйләде Әфганстан татарлары советы башлыгы Забихулло Надери. Турнир Россия мини-футбол ассоциациясе ярдәме белән узачак. «Изге Рамазан Кубогы» оештыру комитетын Россия ММА федерациясе вице-президенты Рамил Рәфкать улы Фазлеев җитәкли. Бөтендөнья татар конгрессы да оештыру эшләрендә бик актив ярдәм күрсәтә.
