Якутск шәһәрендә Татарстан көннәре уңаеннан Татарстан сәнгать әһелләре концерты узды.

Чарада Татарстан Президенты Рөстәм Миңнеханов, Саха (Якутия) Республикасы Хөкүмәте рәисе Андрей Тарасенко, шулай ук Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев катнашты.

Залга җыелучыларны Татарстан Президенты сәламләде һәм актив милләттәшләребезгә  милләтләр арасында татулыкны һәм тынычлыкны ныгытуда, татар милли мәдәниятен саклауга һәм үстерүгә өлеш керткәннәре өчен Рәхмәт хатларын тапшырды.