Рәссам, Татарстанның атказанган сәнгать эшлеклесе Хәмзә Шәрипов сүзләренчә, татар халкының шамаилләре каллиграфия юнәлеше үсешенә зур өлеш кертә.
“Гарәп каллиграфиясе япон һәм кытайныкыннан нәфислелеге белән аерылып тора. Нәфислелек, салмаклык яшьләр эшләрененең дә нигезендә ята. Алар матурлыкны күрә белә. Яшьләр бу өлкәгә яңалык та кертә. Хәзер каллиграфиягә абстракт сәнгать үтеп керә”, – диде ул “Татар-информ” хәбәрчесенә.
Ул шулай ук туграларның да каллиграфия өлкәсендә мөһим роль уйнавын искәртте.
