“Бер очрашу – үзе бер гомер”. Әлмәттә көрәшчеләрнең әнә шундый очрашуы узган. Данлыклы батырыбыз Ильяс Галимов оештырган әлеге мәҗлескә Татарстанның, Россиянең танылган көрәшчеләре җыелган.
Мәҗлес хуҗасы И.Галимов белдергәнчә, батырларның шулай җыелып сөйләшүе, аралашуы Сабан туйларыннан килгән матур бер гадәт ул. Димәк, традиция дәвам итә. Шунысы да мөһим, мондый җыелулар яшьләр өчен дә матур бер үрнәк ул.
Кунаклар арасында татарның, Россиянең, дөньяның танылган батыры Хәбил Бикташев та булган. Ул үзе Самараның Татар Әбдекие авылыннан. Әтисе дә көрәшкән икән: сугыштан бер кул белән генә кайтуына карамастан, үз якларында батыр булып танылган.
Радик Сабиров
